مرة صحابي نصحوني بالزواج و قالولي بركاك من التعواج
راهي رايحة تديك الامواج إذا بقيت في العزوبية
بقيت نطلع في الحساب و لقيت كلامهم صواب
و في الغد بعثتهم نواب يطرحوا لأهلي القضية
بابا وافق في الحال و قال نجيبوا بنت الخال
و يما جاها في البال يخطبولي وحدة بدوية
تفاهمنا على بنت المدينة قالو فاهمة و رزينة
راهي تمخمخ في الكوزينة و تطبخ طبخات زينة
عولنا و قصدنا الدار حاملين في يدينا النوار
و درنا و حنا زوار قاصدين بنت معينة
الراجل في بنتو شكر و يزيد قارية و ما تركتش الجامعة
و صحيحة كي الحديد بنت العلم و التربية
قلت واش هي الشروط راني صرت ليكم مربوط
و مالي عندكم محطوط و نزيدلكم الشهرية
قالي يا وليدي سجل 20 صباط باش تبدل
و 50 سروال مفصل و يكونو ضيقين شوية
و زيد كيلو ذهب صافي تجيبو و انت زاهي
و الشنتوف ما هو كافي راني درت فيكم مزية
بنتي راهي غاية و شريفة ما تتركش يدها خفيفة
20 خاتم في القفيفة تحطهم في يدها هي
كرافاش بولحية ما تنساش و المليون لازم يكون معاك
و الحايك مرمة لازم تلقاه و تقدمو لبنتي هدية
قالي يا السي موووح بلاك تنسى خيط الروح
باش يزيد لبنتي الروح تبقالك ديما حية
تشريلها عشر كباش و الدجاج مشوي ما تنساش
و زيدلها منرا قماش هادي حاجة رمزية
بنتي ما تضربش النشاف و من الحمام تخرج بالتلحاف
الطفلة نطقت ملهيك يا بابا لازم تنهيه
يتركني نحكم فيه و يمشي معايا بالنية
قالي الشرط ما خلاص نقراو الفاتحة قدام الناس
قلتلو راني لباس ومنين نهرب يا خويا
درنا العرس نهار الخميس و كثر فيه الهراج و التهراس
المطرب يخلط على الناس و الدرباكي يعفس تعفاس
و الجمهور راهو نعاس و البراح يبرح شوية
جابو العروسة للبيت كي شفتها من الخوف بكيت
رافدة معاها عشر قطوط تلعب لعبة هزلية
لقيتها مركبة قطع غيارعلى شعرها و حواجبها و لشفار
و كي ضحكت كلشي طار هادي ماركة عصرية
قالت لازم نبقى حرة و يماك لازم ترميها برة
و ما تكثرش الهدرة انا طفلة متحضر
قلت يا امرآة لازم تفهمي ترفدي حوايجك و ترنكي برا
الرئيسية
أحدث الصور
التسجيل
دخول
